موسوعة النكت 2
واحد ومراته متخانقين وبطلوا يكلموا بعض فكتب لها ورقة : " صحيني الساعه ستة ونص ضرورى " .
وحط الورقة على السرير ونام ..
صحي الساعة عشرة ، فلقى ورقه مكتوب عليها : " الساعه ستة ونص . . يللا إصحى "
تايه بيسأل واحد ماشى فى الشارع :
ــ اية اسرع طريق أروح بيها مستشفى القصر العينى ؟؟
قاله :
ــ غمض عينك وعدى الشارع .
اتنين مساطيل ، واحد سأل التاني :
ــ هو النهارده السبت و لا الحد ؟؟
قاله :
ــ الاتنين . .
قاله :
ــ ماشاء الله هما جم سوا .
تلاتة مساطيل قاعدين في خيمة ، و ماكنش معاهم كبريت ، فبعتوا واحد يدور على كبريت ، فخرج من الخيمة .. ولف من الناحية التانية ، وسألهم :
ــ محدش معاه كبريت ؟؟
قالوا له :
ــ أقعد معانا شويه .. بعتنا واحد يجيب و زمانه جاى .
واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح...
مراته فتحت الدولاب لقت 20 الف جنيه.. وبيضتين!!!
لما رجع سألته :
ــ ايه حكاية البيضتين دول؟
قالها :
ــ بصراحه... كنت كل ما أخونك مرة أحط بيضة في الدولاب...
الست قالت ـ فى سرها ـ عشرين سنه جواز ومرتين خيانة بس... مش مهم...
فسألته :
ــ طب والعشرين الف جنيه ؟
قالها :
ــ ما انا كنت كل ما أجمع كرتونه بيض أروح أبيعها .
واحدة كل يوم تصحي من النوم تلاقي هدومها كلها ميه... خدت رأي جارتها...
قالت لها :
ــ اعملي نفسك نايمة وشوفي الميه بتيجي منين...
وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول :
ــ دي حلوة... ودي... اتفوووووو
إليسا وهيفا ونانسي راكبين قطر و كل واحدة منهم بتتكلم عن فارس أحلامها..
إليسا قالت:
ــ نفسي أتجوز ضابط .
وهيفا قالت:
ــ نفسي أتجوز واحد صيني .
ونانسي قالت:
ــ نفسي أتجوز لاعب كرة مشهور ..
سمعهم واحد متطفل دخل عليهم وقالهم :
ــ أنا العقيد شونج بونج ، الشهير بأبوتريكة .
واحد صعيدى اتجوز على مراته ..اتجوز مين ؟؟؟؟
نانسى عجرم . .
وقال لمراته :
ــ عدل ربنا انتى ليلة و هي ليلة ..
مراته قالت له :
ــ لألألألأ ...عدل ربنا ... انت ليلة و أنا ليلة ....
بعد تصفيات تمت فى كل أنحاء العالم فى مسابقة ثقافية وصل ثلاث مرشحين للجائزة
وهم أمريكي و صينى و واحد بلدياتنا
كان السؤال النهائي مشترك لجميع المتسابقين وهو :
ماأسرع شيء فى العالم ؟
الأمريكي قال : الضوء علشان سرعته 300000كم فى الثانية .
و الروسي قال : التفكير علشان الفكرة ممكن تطلع من الدماغ أسرع من الضوء
بلدياتنا قال: الأسهال ! ! !
الحكام وقفوا وسألوه : أزاي الكلام ده ؟ ؟ ؟ ؟
قلهم: أستنوا . . الواحد لما يجيله أسهال وهو نايم فى سريره . . حيعمل أيه ؟ لا يلحق يشعل الضوء
ولايلحق يفكر . . حيعملها على نفسه .
واحد سافر أميركا.. وبعد سنتين اتصل بأبوه ، وقال له :
ــ انا اتجوزت واحدة أمريكية وجاني إيدز...!!!
أبوه زعل وغضب جدا ، وقاله :
ــ و ليه ما سميتهوش على اسمي ؟؟؟؟
اتنين معتادين يسكروا مع بعض .. واحد وصى التاني:
ــ لما أموت اشرب لي الكاس بتاعي كل ما تروح البار ..
و مات الرجل ، وبعد عدة أيام .. الثاني راح للبار وطلب كاسين ..
الجرسون قاله :
ــ بس انت لوحدك ؟!!
فشرح له الموضوع . واصبح كل يوم يشرب كاسين ..
و في يوم طلب كاس واحد.. سأله الجرسون :
ــ إيه الحكاية ؟ ليه واحد بس النهارده ؟!!
قاله:
ــ أصل أنا بطلت أشرب !!!
واحد عنده مزرعة جزر ، و كل ما الجزر يكبر تيجي أرانب من المزرعة اللي جنبه و تأكل الجزر ، الراجل يغضب ويمسك أرنب منها و يسأله :
ــ عملتوا أية فى الجزر ؟
الأرنب يقول :
ــ أكلناه .
الراجل زهق ، و مسك الأرانب كلها ، و خلع لها ضروسها و أسنانها .
وفى يوم الراجل ملقاش الجزر ، غضب جداً ، وراح ماسك أرنب منهم ، و سأله :
ــ عملتوا أية فى الجزر ؟!
رد الأرنب و قاله :
ــ عملناه عثير…!!!
المحقق يسأل ولد :
ــ ليه قتلت أبوك ؟
الولد :
ــ كانوا عاملين رحلة للأيتام ، كنت عايز أروحها .
المحقق :
ــ طب ليه قتلت عمك ؟
الولد :
ــ كنت عايز ابن عمي يسافر معايا !
المحقق :
ــ طب ليه كنت عايز تنتحر ؟
الولد :
ــ لأنهم لغوا الرحلة .
مدرس عربي دخل الفصل قال اليوم حصة إملاء.. يا أولاد اكتبوا ورايا :
" ذهب أحمد إلى النادى يوم الأربعاء .. "
قام ولد و قال :
ــ لو سمحت يا أستاذ هو الأربعاء همزة على السطر ولاّ على الألف ؟؟؟
الأستاذ قاله :
ــ خلاص يا ابنى خليها الخميس ...
ثلاثة مساطيل قاعدين في سهرة
الأول : أنا عندي فلوس أشتري بيها أمريكا الشمالية .
الثاني: و أنا عندي فلوس أشتري بيها أمريكا الشمالية و الجنوبية .
الثالث : و مين قالكم إني رح أبيع .
واحد بيقول لمراته :
ــ أنا بحب فيتراك أوى .
قالت له :
ــ و أنا بحب أحمد أوى .
قالها :
ــ يا وليه فيتراك ده مربى .
قالت :
ــ و أحمد ده عسل .
ثلاث أطفال راحوا محل لعب ، واحد قال للراجل:
ــ عمو عمو عايز بلونة .
الراجل جاب السلم و طلع جاب له بلونة ونزل ، فسأل التاني:
ــ وانت عايز ايه ؟
قال له :
ــ بلونة ..
قال له :
ماقلتش ليه وانا فوق؟!
المهم طلع جابهاله ، و هو فوق سأل الولد التالت:
ــ وانت كمان عايز بلونة ؟؟؟
قال له :
ــ لأ...
فنزل الراجل ، وقال له :
ــ امال عايز ايه ؟
ــ قاله عايز بلونتين !!
واحد شاف أخته تبكي ، فقال لها :
ــ لماذا تبكي ؟
قالت له :
ــ زوجي كذاب!
فقال لها :
ــ وكيف عرفتى ؟
فقالت له :
ــ بيقولى إنه قضي ليلة أمس عند صديقه سامح .
فقال لها :
ــ وأين المشكلة فى كده ؟
قالت :
ــ كذاب ، أنا كنت بايته مع سامح أمس !
جندي حطوه في الجبهة على الخط الأول مع العدو ، وقالو له : " أول ما تحس بأي تحرك للعدو فورا تقولنا ، و عندك هنا جهاز تليفون على اتصال مباشر مع القيادة " .
وفي يوم لاحظ الجندي تحرك العدو فرفع التليفون ، وقال:
ــ ألو قيادة ؟ . . . العدو على بعد 5 كم . فقالوا له : علم .
بعد نص ساعة تانية رفع سماعة التليفون وقال :
ــ ألو قيادة ؟ . . . العدو على بعد كيلو واحد ، فقالو له : علم .
و مجاش أى حد .
وبعد نص ساعة كمان ، اتصل بيهم و قال :
ــ ألو قيادة . .
قالوا له : نعم ؟
قال لهم :
ــ اتفضلو كلموا العدو .
الفشار : كنت ماشي مره في الصحرا طلع عليا أسد ، فضلت أجري أجري لغاية ما لقيت عمارة طلعت فيها .
الغلس : يا كداب هو في الصحرا في عمارات ؟
الفشار : لا آسف . . فضلت أجري أجري لغاية ما لقيت شجره طلعت فوقها .
الغلس : يا كداب هو في الصحرا في شجر ؟
الفشار : لا آسف . . فضلت أجري أجري لغايه ما لقيت جراج دخلت فيه .
الغلس : يا كداب هو في جراج في الصحرة ؟
الفشار : فضلت أجري أجري . . ومالقيتش مكان احتمي فيه . . و الأسد حصلنى وكلنى . . ارتحت بقى ؟!!
ــ كلبك ده نوعه أيه ؟
ــ بوليسي .
ــ لكن مش باين عليه ؟
ــ أيوه أصله فى مهمة و متنكر .
مسطول بيسأل التانى :
ــ تتوقع الجمعة يوافق آخر الشهر ؟
رد عليه :
ــ أفتكر لو ضغطنا عليه يمكن يوافق .
ــ مين اكتر انسان صابر في الدنيا ؟؟؟؟؟
ــ صعيدي مستني روبي علي قناه اقرأ .
صعيدي جزمته اتقطعت خيطها ، وبعد أسبوع لقاها كويسه . . فك
الخياطة .
إيه قمة الأدب ؟
ــ إنك تخبط على باب التلاجه قبل ما تفتحه .
و إيه قمة العجب ؟
ــ إن حد يفتح لك باب الثلاجة من جوه
موضوع: موسوعة النكت 2 
الثلاثاء نوفمبر 03, 2009 7:48 am
