احيانا
أحياناً .. ببقى مش عايزك نهائي
وأبقى نفس أكون فدائي
وأنسف الحب إللي فيه
وأطلب الموت لإشتياقي
أحياناً
ببقى شايفك نار في دمي
وأبقى عايش كل همي
إني أفوق منك يا وهمي
وأتولد لحظة فراقي
ببقى نفسي أهد كل قصور بنيتها
علشان خساره تسكنيها
وأبقى نفسي كل فرحه وهبتهالك
تبقى دمعه تحزنيها
بس لسه اليأس متمكنش مني
يعني لسه برده باقي
أحياناً
تبقى أغلى أمنياتي
إني أنسى ذكرياتي
وإني أشيلك من حياتي
وأشتري عمري إللي باقي
أحياناً
ببقى مش عايز تحدي
وإنتي عايشه في دنيا ضدي
إمحي بغرورك وهدي
بس إلا كبريائي
ببقى نفسي أهد كل قصور بنيتها
علشان خساره تسكنيها
وأبقى نفسي كل فرحه وهبتهالك
تبقى دمعه تحزنيها
بس لسه اليأس متمكنش مني
يعني لسه برده باقي
يعني لسه برده باقي
------------------------------------------
لا يقلبى
لا لا لا لا لا
تاني لا .. لا لا لا يا قلبي لا
الأحزان والجراح وإللي راح
لالالا لالالالا يا قلبي لا
وإللي ضاع وإللي باع وإلي كان بيحب تعبي
لا يا قلبي يا قلبي لا
وإللي فاتوك يا حبيبي موجوع لا يا قلبي
وإللي سابوك لهموم ودموع لا يا قلبي
لا لالالا لالالالا يا قلبي لا
إوعى تفرح لو قالولك كلمه حلوه
م النهارده يا قلبي لازم تبقى أقوى
شوف أد إيه م العمر راح دوقنا الجراح
شوف أد إيه
هو الهنا في عمرنا كان أد إيه
لا لالالا لالالالا يا قلبي لا
إللي خدوك للنار ورموك لا يا قلبي
وإللي في عز الحب باعوك لا يا قلبي
لا لالالا لالالالا يا قلبي لا
يظلموني ويخدعوني عاملين حبايبي
إوعى ترجع للي خانك في يوم يا قلبي
شوف أد إيه م العمر راح دوقنا الجراح
شوف أد إيه
هو الهنا في عمرنا كان أد إيه
لا لالالا لالالالا يا قلبي لا
-------------------------------------------
بتحبيه
بتحبيه زي ما كنتي بتحبيني
بتحسيني زي ما كنتي بتحسيني
يعني هو بيوحشك
زي ما كنت بوحشك
وزي ما كنتي بتتمنيني بتتمنيه
زي ما كنتي بتستنيني بتستنيه
يعني إللي بينكوا زي إللي كان بينك وبيني
قولي لا قبل الدموع ما تخبي عيني
قولي لا قولي لا قبل الدموع ما تخبي عيني
بتفكري إزاي فيه وبتسهري في لياليه
يعني كل حاجه ليه خدها ليه
إدتيله الشوق وخلاص والمشاعر والإخلاص
لاء ولو فكرتي فيه تبقى فعلا بتخونيه
يعني إللي بينكوا زي إللي كان بينك وبيني
قولي لا قبل الدموع ما تخبي عيني
قولي لا قولي لا قبل الدموع ما تخبي عيني
----------------------------------------
قربنى ليك
الوقت ليه بيفوت بسرعه وأنا جمبك
كان نفسي اقولك الف ميت مليون بحبك
خليتني أحس إن اللى فات من عمري ممكن أعوضه
خليتني أشوف أيامي أحلى ما قولش وإنقضوا
مبقتش خايف م اللى جاي ما دام وياك
مبقتش عايز أعيش حياتي إلا معاك
قربني ليك .. دنا بين إيديك ..أحزاني عني بيبعدوا
كان كل يوم بيعدي وإنت بعيد سنين
معرفش بعدك يا حبيبي هعيش لمين
هتمنى إيه وأنا بين إيديك .. كل الأماني ملكتها
قرب كمان خدني لعنيك .. وديني لدنيا بحبها
مبقتش خايف م اللى جاي ما دام وياك
مبقتش عايز أعيش حياتي إلا معاك
قربني ليك .. دنا بين إيديك ..أحزاني عني بيبعدوا
موضوع: كلمات اغاني هاني شاكر 
الجمعة يونيو 12, 2009 9:36 am
