تاكلي بيتزا

هو
بدي اطلب بيتزا .. بدك شي؟"



هي:

"لا."



هو:

"اوكي."



هي:

"و لا اقولك ..؟"



هو:

"شو . بدك اطلبلك كمان؟"



هي:

"مابعرف."



هو:

"ما بتعرفي اذا بدك شي؟"



هي:

"لا."



هو:

"انتي جوعانة؟"



هي:

"يعني ."



هو:

"شو يعني يعني...؟"



هي:

"يعني معناها ماني متأكدة اذا كنت جوعانة او لا."



هو:

"الواحد لما يكون جوعان بيعرف"



هي:

"بس يمكن جوع بعدين"



هو:

"معناها اطلبلك بيتزا."



هي:

"طيب و اذا ما كنت جوعانه وقتها..؟"



هو :

"لا تاكلي."



هي:

"بس هيك بيكون تبذير"



هو:

"طيب . بتاكليها بكرة."



هي:

"و اذا ما كان الي نفس آكل بيتزا بكرة؟"



هو:

"هاي ما بدها نفس .. الواحد بيقدر ياكل البيتزا كل يوم "



هي:

"انا لا .. ما باكل بيتزا الا لما يكون عندي نفس للبيتزا."



هو:

"معناها بطلبلك شي تاني"



هي:

"بس انا ما بدي شي تاني"



هو:

"يعني بدك بيتزا؟."



هي:

"لا."



هو:

"يعني ما بدك شي؟."



هي:

"امبلى."



هو:

"جننتيني شو بدك؟"



هي:

"اطلب انت لحالك.."



هو:

"اخيرا .. ماشي.."



هي:

"بس اطلب بيتزا بالتونا"



هو:

"بس انا ما بحب التونا."



هي:

"بس انا بحبها."



هو:

"هو انا بدي اطلب الي و لا الك...؟!"



هي:

"الك طبعا."



هو:

"طيب و ليش بالتونا...؟"



هي:

"يمكن اجوع لما يوصل الاكل"



هو:

"و شو يعني؟"



هي:

"بالله؟ شو يعني فكرك بآكل شي ما بيعجبني؟"



هو:

"ليش هو انتي بدك تاكلي؟"



هي:

"ليش لا ؟"



هو:

" يا مثبت العقل و الدين .. هلأ انا لازم اطلب بيتزا الي , مشان انتي تاكليها اذا كنتي جوعانه؟؟"



هي:

"بالضبط."



هو:

"و انا شو بدي آكل؟"



هي:

"بس يمكن ما كون جوعانة..."

وقد قررت محكمة الجنايات الإفراج عن الزوج المتهم بتهمة "قتل الزوجة مع سبق الاصرار و الترصد" و تحويل القضية الى "قتل الزوجة دفاعا عن النفس

ههههههههههههههههههههههههههههههه شي بيجنن بالفعل
شكراً على الموضوع

شكراً على الموضوع

عفوا وشكرا على مروركما

ههههههههههههههههه رائعة ماكس