تقع الفتيات في انواع من الاحراجات .......
لدرجة تلاقي وجه البنت من كثرة الخجل والارتباك صار مثل الطماطم ....
تعالوا نشوف من هذه المواقف :
1- وحده جاب زوجها لها تمر وجلس يُأكلها حبة حبة ... طبعا ً البنت
استحت من عريسها ان تطلع نواة التمر امامه لذا فأنها قامت ببلع تلك النواة
وعلى هذا الحال استمرت هو يعطيها واختنا في الله تبلع
الى ان انتهى بها الموضوع في المستشفى .......!!!
2- وحده جاء خطيبها يشوفها وطبعا هي خجولة جداً .. وفيها حيا كثييير ....!!!
المهم دخلت عليه وابوها كان موجود فجأة دخل خالها وبعدين عمها
وشوي يدخلون خوانها كلهم ( يا حبيبي ) صار المجلس مليان ناس وكلهم
عيونهم عليها ومن يوم شافتهم المسيكينة متجمعين وكان يغمى عليها ...!!
3- وحده جات بتخطب صديقتها لاخوها عزمتها في بيتهم وقالت لاخوها
طل عليها من الشباك وشفها اذا اعجبتك نخطبها لك .. وافق اخونا ما كذب خبر
ولما جات البنت عطتها شوكولاته والبنت رفضت تاخذها وهذي تلزم عليها
والبنت مصرة ما تاخذ . ولما طلعت الأخت تسأل اخوها عن رأيه في البنت .. !!
الاخ شاف البنت وهي تخش الشوكولاتة في شنطتها ..
ولما سألته اخته وش رايك .....؟ قال موافق على طول وتم الزواج ....؟؟؟
وفي ليلة العرس يسأل الزوج البنت : وين الشوكولاتة اللي خذيتيها من بيتنا .....؟؟
" ما ترضين واحد ياخذ من بيتكم شي وما يستأذن " .......!!!
5ـ وحده اول مره بتشوف الي خطبها ويوم قالها ابوها يالله ادخلي المجلس
دخلت ومن قوة الحيا دخلت وسلمت على اخوها ......!!!
6ـ واحد وده يتزوج وقال لامه دوري لي وحده دلوعه وشكلها
بيبي فيس وجسمها صغيير وشعرها طويل واهم شي مو دبة
وكل مرة يروح ويشوف البنات ما يعجبه الشكل , وفي يوم لقت الام وحده
وقالت له روح وشوفها يوم راح ودخل المجلس جلس على الكنب
وقال ابو العروسة لبنته يالله ادخلي يوم دخلت وجلست على الكنبه الي جنبه
وشافها من قوة الفرحه وانها طلعت زي مايتمنى اخونا ماقصر قام وباس البنت قدام ابوها ...
ههههههههههه
موضوع: بعد المواقف المحرجة للفتيات 
الأربعاء يوليو 01, 2009 2:26 pm
